Ya Ghareeb E Zahra Ringtone Download

Lyrics

Ya Ghareeb e Zehra

Ay mere Aaqa
Ay mere Maula
Nahi hai tujhsa 
Koi bhi sachcha 
Waada nana se kiya tha jo nibhaaya tune 
Apna ghar Deen e Mohammed pe lutaaya tune 
MiT gaya hota yeh islaam bachaaya tune 
Jo kisi ne na kiya kar ke dikhaaya tune
Koi tujhsa na kabhi tha na abad tak hoga
Ya Ghareeb e Zahra

Pisar Zahra ke 
Jigar Zahra ke
Samar Zahra ke
Qamar Zahra ke
YuN ujaDa Gaya Zahra ka Chaman wawaila 
Tujhse chuDwaya Gaya Tera watan wawaila 
Haye Woh dhoop ki shiddat woh tapan wawaila 
Tere bachcho ko rakha tashna dahan wawaila 
Zalimo ne tujhe mehmaan bula kar maara 

Gira jab saqqa 
Toh rooya darya 
Kiya yeh naala 
Ay shahe waala 
Mere saahil pe gira aapka bhai Maula
Khoon mei doob Gaya haq ka fidai Maula
Tegh dhoke se laaeno ne chalai Maula
Jism se hoo gayi haaathoN ki judai maula 
Gurz maara hai kisi ne toh kisi ne naiza
Ya Ghareeb e Zehra

Jigar pe naiza
LaaeN ne maara
Ali Akbar ka 
Chida jab seena 
EDiyaN khaak pe Akber ko ragaDte dekha
NaujawaaN Laal ki saasoN ko ukhaDte dekha
Haye armaano ki dunya ko ujaDte dekha
Apni peeri ke sahare ko bichaDte dekha
Yeh woh manzil thi jahaaN sabr bhi tujhpar rooya 

Ali Asgher ka 
Gala tha sukha 
Woh nanha bachcha 
Bohat pyaasa tha 
Haae paani ke awez teer chalaya uss par
Munqalib hoo gaya haathoN pe padar ke Asghar 
ASR e ashoor tha uss waqt bapa ek mehshar 
Ambiyaa rooe haiN sar peet ke uss manzar par
Tune jab khoon Mala rukh pe Ali Asghar ka 
Ya Ghareeb e Zehra

Chaagai hae Surani woh qayamat ki ghata 
Zalzala Aane laga kaap uthi karbobala 

Ab na baaqi hai Woh lashkar na alamdaar raha
Haae ghurbat mei koi bhi na madadgaar raha
Ay Ghareeb e Zehra - Ay Ghareeb e Zahra

Paaya jab dasht e bayabaan mei tanha tujhko
Fauj e aada ne har Ek samt se Ghera tujhko

Teer chalte the kahiN se toh kahiN se bhale
PasliyaN toD rahe the Teri naizo wale

Zeen par asp e wafadaar ki sambhla na gaya 
AasmaaN sabr ka tewraake zameeN par aaya

Yak ba yak TuT paDi fauj jafa kaaroN ki
Har taraf dasht mei jhankaar thi talwaaroN ki

Shor tha badr ke badle ka hai mauqa logo 
Gir gaya Haider e Qarar ka beta logo

Ab yeh tanha hai koi paas Nahi hai maaro
Khauf tha Jiska Woh Abbas Nahi hai maaro

Maarta tha koi naize se koi khanjar se
Koi talwaar koi teer koi patthar se

Jisko kuch bhi na Mila rett uthai usne 
Zakhm pe jalti huwi rett girai usne 

Hum na bhulenge woh manzar Maula
Hum na bhulenge woh Khanjar Maula

Shimr ka seene pe chaDna maula 
Dard se Tera tarapna maula

Khushk gardan pe churi zaalim ki
Teri haalat pe hasi zaalim ki

Teri rukti huwi saaseiN maula
Mamta ki Woh karaheiN maula

Teri hamsheer ki ghamnaakh woh aaheiN maula
Teri dukhtar ki woh maayus nigaheiN maula 

Yeh azadar Nahi bhulenge 
Tere ghamkhaar Nahi bhulenge 

Taa Abad Dil se Nahi hoga juda gham tera 
Ya Ghareeb e Zehra